我向來好中意問店家，有咩特色的嘢食，而且我會百分百信任店家的推薦……於是，我被推薦咗鳳尾魚 沙拉 ，鮮烤魷魚，baby蒜頭番茄燉牛肉，火腿南瓜湯，南瓜魚湯，Feta芝士白酒番茄煮青菜，特色Parmak烤香腸……然後我又諗起 意大利 哈哈哈！食落感覺又好似 意大利 啊！
炸魷魚圈圈，同我在 威尼斯 食過嘅一樣！旁邊的薯仔特別好食，棉軟又酸酸地好開胃！
至於雪糕，嗯，有 意大利 的水平！
而傳統 希腊 美食Moussaka，睇落好似 意大利 千層面，食落又好似 中東 亂咁疊……
仲有呢個唔知系咩，用菜葉包住肉碎同米飯做成雲吞咁，哇哈哈哈，真系好古怪啊！
終於搵到唔似 土耳其 又唔似 意大利 嘅“ 希腊 沙拉 ”，裡面有麥粒、番茄、黃瓜、洋蔥、腌燈籠椒、Thassos島的橄欖、Elassona產區的Feta芝士，清爽開胃！嗯！我確定，呢個絕對系 希腊 原創！
連食早餐伴碟的 沙拉 都好食到不得了！橄欖油加醋的組合真系鮮甜清爽！食到個人都神清氣爽啊！
至於甜品，印象最深嘅就系 意大利 feel的Bougatsa同 土耳其 feel的Loukoumadhes！
Bougatsa裡面有芝士，上面曬上糖，酥鬆軟香，好食到不得了！感覺好似翻咗美食之都Napoli！
Loukoumadhes系一種源自阿拉伯的炸面丸，淋上蜜糖，我就享 土耳其 食過！但 希腊 版仲配咗雪糕，經典口味加入雪糕、蜜糖、肉桂同杏仁叫“All time classic”，仲有加咗 希腊 酸奶雪糕、蜜糖、肉桂同核桃的叫“Yogurt Twist”，呢個實在太有創意啦！熱辣辣的炸面丸外面酥脆，裡面軟糯，再食翻啖涼浸浸嘅雪糕，清甜幼滑！一啖熱，一啖凍，哇，真系好過癮！食到我食過翻尋味！
仲有其他不知名的飯後甜品，明明都好飽架啦，不過總系食得落甜品嘅哈哈哈！
夾在 意大利 同 土耳其 中間的 希腊 ，先被 羅馬 帝國征服，又被奧斯曼帝國統治，雖然如今 希腊 獨立了，但美食卻無法擺脫歷史的印記與歲月的沉澱，所以我覺得最真實的文化體驗，絕對就在舌尖上！而且 地中海 的麵包真系好正，幾乎每間餐館的麵包都唔同，但小麥的香味同柔韌質感時時令我未上菜就飽咗一半！
而我最中意在Plaka食飯，傳統的 希腊 小館，通常將餐台擺在樓梯上，值得推薦嘅系The Old Tavern of Psara同Mostrou，Mostrou晚上仲有Bouzouki的樂隊演奏～
但露天食飯最大的好處就系有貓陪哈哈哈！只要坐低食飯，貓貓就會過來望住你哈哈哈哈！一邊食飯，一邊有幾隻貓就在台底鑽來鑽去！貓痴的我自動自覺一邊食一邊喂貓哈哈哈！估唔到一個人食飯，仲有貓貓陪，實在太幸福啦！
