【希腊】從克裡特到邁泰奧拉，跨越神山聖海的尋貓之旅

【序】第六次地中海，我終於來到希腊！柏拉圖話“我們就像一群青蛙圍著一個水塘，在這個海的沿岸定居”，而精於海貿的猶太人就將 地中海 稱為“偉大的海”……我系一個 地中海 深度沉迷者，湛藍的海水，輝煌的落日，只要望一眼就心滿意足，更何況 地中海 沿岸的文明古國真系一生一世都未必可以看完…… ↑克裡特島 ↑雅典衛城 ↑邁泰奧拉岩石山頂修道院區 繼 意大利 、 西班牙 、 以色列 、 土耳其 之後，終於，我來到 希腊 ！我發現 地中海 沿岸國家的共同特點就系：人靚，好食，有文化，而且，好多貓！哈哈哈！我自以為 地中海 吸引我嘅系豐厚燦爛的歷史人文，但其實系因為好多貓哈哈哈！
我中意貓的靈動、好奇、獨立，而最迷人之處，就系你永遠唔會知道，你眼前的那隻貓是否會中意你哈哈哈！佢可能會唔睬你，越叫越走，又有可能會主動親近你！所以，當貓貓願意親近我的時候，我就相信那是世界在對我微笑，實在太幸福啦！
土耳其 歸來後，我最念念不忘嘅，就系 土耳其 隨時隨地都會遇見的貓貓！時隔兩年再次獨自旅行來到 希腊 ，我心裡總有一個念想——在 土耳其 對面海的 希腊 ，系咪都 會同 土耳其 一樣咁多貓呢？
今次 希腊 之旅從南到北，我的路線系 克裡特 島、 雅典 、邁泰奧拉，可謂跨越了 希腊 的“神山聖海”，遇到的景緻不盡相似，但不變嘅系，我始終在尋貓！ ↑雅典衛城 ↑克裡特島 ↑邁泰奧拉岩石山頂修道院區 【克裡特島】文明搖籃，有貓則靈歐洲 文明的起源在 希腊 ， 希腊 文明的搖籃系 克裡特 島，在 希腊 選一個必須去的島，我毫不猶豫咁選擇 克裡特 島！
東 地中海 系個神奇的存在，據說 埃及 與兩河文明的交匯孕育咗 克裡特 島的米諾斯文明，米諾斯文明催生邁錫尼文明，再形成 愛琴海 文明……馬其頓崛起，又將“ 希腊 化”傳播到了 埃及 、小亞細亞、 中東 ，乃至 印度 ……而拜占庭的滅亡又使古 希腊 文化回到 歐洲 ，引發了文藝復興…… 埃及 、亞述、 羅馬 、拜占庭、阿拉伯、奧斯曼，帝國的更迭令唔同的文化體系就好似貿易一樣，在東 地中海 交換來，交換去~
而貓呢個物種，就系誕生在 埃及 與兩河所組成的“新月沃地”上，我諗貓都系隨著文化的交流，從 克裡特 島繁衍至 愛琴海 然後再登陸 歐洲 大陸的吧哈哈哈！咁貓一定繫數千年曆史變遷的見證者！ ↑克裡特島 一人一車，穿越黑暗，駛過懸崖兩年前我仲慶幸，好彩冇在Amalfi海岸自駕，因為那是海邊的懸崖公路，以我的車技我一定驚到腳震……估唔到今次在 克裡特 島自駕，啊！那個懸崖公路卻比Amalfi高得多！而且仲荒山野嶺四處無人！Mamma mia！好驚啊！我都有今日啦！
Google map只會顯示平面地圖，估唔到從Chania到Elafonisi粉紅沙灘，要跨越中部山脈，沿途都系小山路，狹窄、陡峭、全部都系彎路都算啦，仲要一邊系山一邊系懸崖！兼基本上冇欄桿！點解條路唔修在山腳而要修在山頂呢？啊，個懸崖好高啊！望出去，無敵海景！可惜，我驚到“冇眼睇”！ ↑克裡特島 ↑克裡特島 ↑克裡特島 ↑克裡特島 ↑克裡特島 好記得途中只遇到一部當地人的小卡車，一部載游客的小巴，我跟在後面，覺得從未有過的安全感，可以跟住當地司機行山路，跟住人哋每一個彎慢慢減速，就好似上咗一課咁！但每到下一個路口，我又要獨自上路……途中仲遇到清理落石的鏟車，鏟石的大叔一個個用好奇的眼光望住我，哈哈哈哈！
兩年前在Amalfi徒步，感受過一個人的荒山野嶺，今次在 克裡特 自駕，就改成了以車代步的放大版的一個人的荒山野嶺！兩個鐘唔到的山路，感覺就好似行咗一輩子咁長！不過當見到陽光下的粉紅沙灘，我又覺得所有的驚險同艱辛都值得！就算冇岸邊的一抹粉紅，澄澈，明亮，湛藍，好似寶石一樣閃光的海水，啊，仲要冇人！實在系大大的恩賜啊！ ↑粉紅色沙灘 ↑粉紅色沙灘 ↑粉紅色沙灘 ↑粉紅色沙灘 ↑粉紅色沙灘 ↑粉紅色沙灘 ↑粉紅色沙灘 ↑粉紅色沙灘 一個人旅行就系可以任性到因為太興奮，天未光就醒，於是索性開車去睇日出！ 克裡特 島奇形怪狀，我系睇地圖，搵一個東面冇遮擋的地方睇日出嘅——Gouia Odigitria Manastery！但因為途中遇到修路，主幹道成條封咗，搞到我要兜小路去，四周漆黑一片，寂靜無聲，只有車燈照到的一點點小路，感受旁邊全部都系果樹，而唯一的陪伴就系當地電臺播的歌……我腦里不止一次浮現起萬一部車死火、爆胎、點算？我好想知當時我的頭皮到底有幾硬哈哈哈！
原來穿過黎明前的黑暗，就真系可以見到天邊的那一抹曙光！修道院對出的一片海，真系可以見到日出！好彩我早咗出發，冇因為兜路而錯過日出的時間，當一切都灑滿陽光，回程的路又唔使再兜路，啊，翻去食個早餐先，美好的一日又開始啦！ ↑克裡特島 ↑克裡特島 ↑克裡特島 ↑克裡特島 ↑克裡特島 ↑克裡特島 ↑克裡特島 ↑克裡特島 ↑克裡特島 而最美好的行程就系第一日從Chania開車到Knossos宮殿遺址，我六點出發，八點到達，途中經過黑暗的林間路，又在黑暗中聽到海浪的聲音……不知不覺中，天空在睡眼惺忪中蘇醒，前路漸漸變得清晰，當太陽爬上雪山，發現路的旁邊就系湛藍的 地中海 ！
But每當有車在我旁邊飛馳而過，我就睇下個表，都80~100喔，明明都系彎路，點解仲開咁快！路邊唔系寫住限速50嘛！直至第二日開過懸崖彎路，我終於知道點解平地彎路系唔使減速架啦！第三日我又發現，彎路踩剎車減速的一定系女司機哈哈！而我已經學識感受高速彎路的離心感……
據說 克裡特 島民風彪悍，人人持槍，果然，在島上開車三日唔系被人追住要開快點，就系自己追住人越開越快！90%以上的路都只有一條車道，要超車就要開到對面車道！而超車先系最緊張的啊！當全力加速的時候萬一對面有車！每次超完車我都要深呼吸一下！