↑上特勞恩
↑上特勞恩
↑上特勞恩
↑上特勞恩 民宿陽臺對住山景, 早上俾雀仔叫醒, 望住呢個景吃早餐, 都幾舒服噶. 😊
↑上特勞恩
↑上特勞恩 著名嘅Hallstatt明信片拍攝地點, 如果有霧, 就真係好似仙境咁, 晴空萬里當然亦好靚啦.
↑哈爾施塔特
↑哈爾施塔特
↑哈爾施塔特
↑哈爾施塔特
↑哈爾施塔特
↑哈爾施塔特
↑哈爾施塔特
↑哈爾施塔特 天主教堂人骨室, 12世紀就存在了, 嗰度嘅墓地太細, 唔夠位置安放遺體, 於是將最占位置嘅頭骨同股骨攞出來, 藝術家畫上十字架同玫瑰花, 表達對逝去親人嘅愛. 嗰度安放咗千幾個頭骨, 但一啲恐怖嘅感覺都冇, 反而因為多咗彩繪, 變得莊嚴而有美感.
↑天主教堂和人骨室
↑天主教堂和人骨室 離開Hallstatt, 坐OBB去 維也納 , young couple Sebastian & Maureen接待我哋. 去到係夜晚九點幾, 超市餐廳都關門了, Maureen擔心我哋冇嘢吃, 送來兩個cup noodles, 哈哈哈太貼心啦, 吃咗幾日西餐, 杯面真係吸引過牛排. 之後發生嘅事, 更加令我慶幸揀咗Maureen呢個host.
維也納 就係教堂同宮殿, 其實都幾審美疲勞, 不過有啲都係幾壯觀嘅.
↑美泉宮
↑美泉宮 彌補返上次喺 俄羅斯 睇唔到嘅天鵝湖, 今次來到莫扎特鄉下, 去金色大廳俾古典音樂洗禮下啦. 維也納 不愧為音樂之都, 音樂喺當地人心目中嘅地位非常高, 上咗年紀頭髮花白嘅老人都會盛裝去音樂會, 而且好講規矩, 禁止講嘢同玩手機, 工作人員見到有人攞手機出來, 完全唔客氣會去話佢, 真係發自內心對錶演者尊重.
↑金色大廳 散場時全場鼓掌, 而且係拍好耐, 拍到表演者離場, 音樂對佢哋來講真係好神聖. 現場係唔俾影相, 只可以散場嘅時候影一張紀念下.
↑金色大廳
準備離開 維也納 之際, 發生咗今次最驚險嘅事啦. 早上check out之後將行李寄存喺Wien hbf, 點知嗰個locker有問題, 下晝想去攞返行李嘅時候發現locker開咗, 我個0急唔見咗!!! 成個人好慌啦, 即刻去搵OBB嘅staff, 等到secure來, lost and found已經關咗門, 佢建議我只能夠第二朝去睇下係咪俾人攞咗去嗰度. 我問佢可唔可以睇CCTV, 佢凈係答咗我一個單詞 - policy. 後來先知如果要警察查CCTV, 大概等兩個月先有結果. 好得人驚嘅效率...🙄 好無奈咁將去 佈達佩斯 嘅車飛取消, 完全不知所措, 無助之下我打咗俾屋主, Maureen好快就來到, 不斷安撫我, 佢話 奧地利 人好排外, 只 會同 當地人溝通, 對游客都係敷衍了事. Maureen唔係當地人, 所以佢只可以同我哋一齊等Sebastian來再搵警察幫手. 等嘅時候, Maureen講咗好多佢嘅故事, 佢係 菲律賓 人, 幾年前喺 新加坡 邂逅Sebastian, 結婚嗰陣有傾過喺邊度生活, Maureen希望喺 菲律賓 , 嗰度雖然唔富有, 但啲人都好友善, 佢屋企幾代人住埋一齊, 無論幾大個媽咪都當佢係小朋友. 但Sebastian係獨仔, 喺 奧地利 有份唔錯嘅工作, 最後Maureen選擇犧牲自己, 來到舉目無親嘅 維也納 生活咗5年, 佢一個朋友都冇, 曾經出現過比較close嘅, 離開咗之後都開始疏遠, 當地人太排外, 對外國人唔誠懇, 對 亞洲 人更加係唔友善. 佢分享咗之前喺 巴黎 同 希腊 旅行嘅經歷, 西歐 人對 亞洲 人嘅歧視真係對佢傷害幾大. Maureen講到佢之前俾幾個當地嘅女仔歧視嘲笑嘅時候, 終於忍唔住喊咗, 我哋都喊咗, 可能 中國 人都係容易俾人歧視嘅群體, 我可以想象冇親人冇朋友嘅佢喺呢個地方有幾委屈幾難過, 但又唔想俾老公同屋企人知, 因為呢個係佢嘅選擇. 佢甚至決絕咁話佢以後一定要返 菲律賓 , 佢一定唔要死喺 維也納 . 聽佢講咗一晚, 覺得佢個人又熱心又真誠, 佢真係值得過得開心啲. 嗰晚佢哋其中一間appartment冇人book, 佢哋就車咗我哋去嗰度住一晚. 第二朝一早, Sebastian車我哋去lost and found, 終於終於見返我個0急!! 😭 總算有驚無險, 可以去 佈達佩斯 了. 喺車上, 我whatsapp多謝Maureen, 同佢講如果遇到唔開心嘅事又唔想老公屋企人擔心嘅, 我好樂意做樹洞. 雖然係萍水相逢, 唔見行李亦好驚嚇, 但亦因為呢件事令我哋有機會聽Maureen發泄下, 希望佢講出來會釋然啲. 其實聽佢講對當地人嘅抱怨, 覺得好似已經有小小抑鬱症嘅癥狀, 佢真係個心地好好嘅女仔, 如果佢想講, 我真係唔介意聽, 因為唔想佢乜都鬱住喺心. 返到 廣州 , 我寄咗份禮物去多謝佢, 同埋想佢知道我唔係佢嗰啲“I am busy” friend咁敷衍, 真心希望佢可以變返開心.
幾經波折終於去到 佈達佩斯 啦. 以多瑙河為界, 西岸係佈達, 東岸係 佩斯 , 兩者之間有8條橋連接. 佈達佩斯 喺 歐洲 來講唔算係非常熱門嘅旅游城市, 但個人認為佢有獨特嘅美, 由日頭到夜晚, 同一個地方嘅景緻都唔一樣.
↑城堡山
↑城堡山
↑馬加什教堂
