[波希米亞童話圓舞曲] - 捷克 奧地利 匈牙利 漫游記

如果世界上有一個地方係一世人要去一次, 我會揀 布拉格 .
冇 東歐 嘅粗礦豪邁, 冇 南歐 嘅熱情泛濫, 冇 西歐 嘅紙醉金迷, 冇 北歐 嘅恬靜高冷, 中歐 獨有嘅童趣浪漫, 正中我杯茶. 童話世界, 波希米亞, 歌德風, 木偶, 骷顱骨...全部都係我中意嘅. ❤
海南 航空, 廣州 \- 北京 \- 布拉格 , 20:25-23:55 02:30-06:20, 航班時間完美適應時差, 完全冇顛倒嘅不適. 飛咗十幾個鐘, 一落地就係晴空萬里嘅早晨. 去民宿擺低行李, 屋主Zdenka係個紡織品藝術家, 屋企有好多波希米亞裝飾品, 間屋唔大但好精緻. Zdenka話前幾日 捷克 最受歡迎嘅歌手過咗身, 叫我哋如果喺街上見到好多人攞住花參加悼念活動唔需要驚. 結果唔見有特別嘅活動, 老城廣場一片祥和熱鬧. 老城廣場係11至12世紀 中歐 貿易最重要嘅集市之一, 有超過900年曆史, 周邊有歌德式同巴 洛克 風格嘅建築. 熊貓, 北極 熊, 黑猩猩每日都來營業. ↑老城廣場 ↑老城廣場 ↑老城廣場 ↑老城廣場 老市政廳有一座中世紀天文鐘, 建於1410年, 至今仲係分秒不差, 佢係根據當年嘅地球中心說原理設計, 上面嘅鐘一年繞一周, 下麵嘅一日行一圈, 每日中午12點, 十二尊耶酥門徒就會現身, 吸引無數旅客喺下麵相機stand by. ↑布拉格天文鐘 老城廣場嘅bubble man相當敬業, 雖然完全唔掩飾自己係為搵食, 但係好良心, 收咗錢幫你整泡泡, 如果你影相嗰陣有人亂入影唔靚, 佢會免費幫你整多次, 呢張相相當滿意呢!🤗 ↑老城廣場 ↑老城廣場 布拉格 必吃嘅Tredlink, 又係好良心, 士多啤梨多到吃唔曬. 布拉格 市立圖書館, 用書砌成一個塔, 下麵有塊鏡, 影相都幾有趣. ↑布拉格市立圖書館 ↑布拉格市立圖書館 行上山去萊 特納 公園睇日落, 餘暉照住呢個童話世界咁嘅城市, 每個角落都咁可愛, 難怪當年希特勒都忍心炸佢. ↑萊特納公園 傍晚時分, 好意外咁遇到超級靚嘅晚霞, 襯返查理大橋嘅雕塑, 靚到唔識形容呢... ↑查理大橋 ↑查理大橋 ↑查理大橋 夜晚嘅 泰恩 教堂有幾分詭異, 為街頭藝人搭一個歌德式舞臺背景. ↑泰恩教堂 高堡係 布拉格 城市嘅發祥地, 不過佢真係唔多起眼, 搵極都搵唔到, 原來喺入口路過都冇留意佢. 反而係裡面嘅墓地幾壯觀, 捷克 最有身份地位嘅名人家族都係長眠於此. 另外仲有個觀景台都好好景, 咁啱有帆船比賽呢. ↑高堡 ↑高堡 ↑高堡 ↑高堡