暹粒

貧窮的國度--暹粒

hyz(广州)
2018-05-14 16:28
131/0

發誓唔跟團，早睡早起太辛苦 4.29 哎，第一次延誤半日下午三點半南站坐城軌列車到拱北，都唔算多人，十分鐘一班車。70分鐘就到達拱北珠海站，
時間尚早，過對面地下商城的味千拉麵食野，未夠飽，對面御坊園食多個甜品芒果豆腐花。

↑味千拉麵不過行去關口要十分鐘，點解唔可以無縫接駁呢。
下午六點見到領隊了，集體過關果然快脆。跟團就是方便，很快大巴就接了一班人十分鐘就黎到
. 澳門機場出發大廳。以為順順利利十點可以準時飛啦，點知一路等到十一點半通知航班誤點改到明天
上午8點半飛。天啊，經過領隊與公司溝通，部分團友一個人拿三百蚊自己澳門搵酒店住，大部分人跟領隊返珠海漢庭住一晚，第二天再黎澳門機場。搞了一大輪，終於凌晨1點可以休息了，但第二天5點半就要出發啊，辛苦。。。辛苦。。。辛苦。。。 4.30 終於可以飛啦天沒光就要爬起床出發，發誓唔跟團，早睡早起太辛苦，自由行可以訓到自然醒幾sofu啊！
點知再次受到打擊，航班又推遲到上午11：45起飛。算系甘啦，有個午餐補償返，牛肉麵頂下肚。

↑澳門好後悔今次無買保險，捻住跟團唔使啦，點知誤點超過半天，買佐一個人賠600蚊啊，兩個人1200足夠一個人旅費啰！
十二點準時起飛了，兩個半小時航程終於平平安安降落暹粒機場。
團體落地簽過關都好快，人直接過就是，護照是地陪一大疊交曬俾海關的，離境前再交返到個人
手上。
好熱啊，38度，殺人咩。
又坐上冷氣強勁的大巴，已經下午2點半，食飯至上，唔到十分鐘就黎到餐廳，狀元樓中華料理，哎，黎到暹粒居然唔系食當地菜，要食返中餐，一睇個賣相已經食唔落，隨便夾了兩條菜兩塊排骨扒了兩晚白飯就算啦。

半小時大家已經匆匆忙忙扒完難食的一餐，繼續坐上大巴前行10分鐘就黎到皇家公園。不是吧呢個就是皇家公園，邊佛似啊，連樓下華僑樂園個花園都不如啊。
公園旁邊就是吳哥國王行宮，是柬埔寨國王來到暹粒的臨時住所，沒有金碧輝煌的皇家氣派，它不對公眾開放，只能在外面觀光的。
姐妹廟也在這一帶，是暹粒地區香火最旺的寺廟，該廟聲名遠播，更因靈驗無比而盛名於海外，
地位相當於泰國曼谷的四面佛。哎，小廟一間，面積不如五仙觀啊，鞋是要脫，但唔好我出來著返你先話要俾錢啊，雖然只是幾蚊雞，硬幣又話唔收，中國人不是個個都有錢架。